البرد لهفة شوق والليـل ساكـن

لهفة , الثرى , ساكـن , والليـل

البرد لهفة شوق والليـل ساكـن

البرد لهفة شوق والليـل ساكـن
وانا تشفقـــت اللقـــاء وأحتريتـك

الله عطاني اياك وأصبحت واكـن
علـى الله انـــــي لا بغيتـــك لقيتـك

مؤمن بما يكتـب لـي الله ولكـن
بليت نفسي فيــك عشــــق وبليتـك

تغيب وعيونـي عليـك يتباكـن
لو انك تسقيني الوصــل ما ارتويتـك

خليت حسرات الزمـان يتراكـن
بين الرجاء واليـــاس ليتـــك وليتـك

داويت جرح" من قسى الوقت ماكن
والا فتعطيني ربـع مـا عطيتـك

وخليت ناقلت الهـروج يتحاكـن
ومن كثر ما اجحد أحسبني نسيتك

ما شفت قلبي والعيـون يتشاكـن
أغير منهم من كثـر مـا هويتـك

سريت لك مشتاق والليـل داكـن
يستر ظلامه وقفتـي عنـد بيتـك

تقول حبك بين الأضـلاع راكـن
وأقول هذا اللي ذبحنـي وجيتـك

سمعتني محمد يغنـي (الأماكـن)
وأسمعك (واحشني موت) وفديتـك

يعطيك العافيه على الابيات الجميلة اللي فيها تصوير قمت الشوق واللهفه
وخاصة البيت اللي يقول :
سريت لك مشتاااق والليـل داكـن
يستر ظلامه وقفتـي عنـد بيتـك

» الجوافة .....قاهرة البرد
» لماذا نحتاج إلى قبعة دافئة في موسم البرد..؟؟