علوم رجال....

موضوع: علوم رجال.... الجمعة سبتمبر 28, 2012 5:17 pm

بسم الله الرحمن الرحيم
السلام عليكم ورحمة الله وبركاته

هذا الطرح عبارة عن بعض من الجمل التي تقال في مناسبات وردودها.

أتمنى من لديه إضافة أن يتحفنا بها كما أتمنى أن ينال هذا الطرح استحسانكم ... ملاحظة( قد يكون بعض الجمل متكرره )

لا تعبت .... لا ندمت
والنعم ... ما عليك زود أو والنعم بحالك
هناك الخلاص أو هناك العقلان ... هناك خير
ماجور ... الله يجيرك
سم ... سم الله عدوك
ما تشوف شر ... الشر ما يجيك

اذا جاك واحد يسلم عليك وانت جالس
عز الله مقامك = مقامك عزيز وغالي
لاهنت ---- و لأنت

بيض الله وجهك = وجهك ابيض او ووجهك
وقوله انت وشرواك= شرواك الطيب

أرحب & أرحبو = البقى & سلمة & المرحب باقي
وش حالك = الله يجمل حالك & بخير جعلك بخير

والسلامة = سلمت
ظاهر من الشر = مايجيك

إذا مد أحد لك شئ بليد اليسرى = شمالك يمين وعجفاك سمين << في مشايخ حرموها و ذلك لتشبيه اليد الشمال باليمين

عند سؤال شخص عن الأنباء التي يحملها ( وش علومك ) = الرد ( علومي عفاك ) ثم يبداء بسرد الخبر

وفـيه.. اللي يقول لـك لآ منه شآف شـي.. ومتأكد منه.. مليون
بالميـه..
ويقول. لـه خويه.. عنــك او عن رجــآل..؟ <<< الرد لهآ يقول عني وانا رجآل َ..والكآييده ان قآل عن رجآل هههههه..

تقول للقادم من سفر : سلامة الأسفار . الجواب : الله يسلمك من النار .

تمد الفنجال للرجال وتقول له : ساعده . والجواب : سلم سواعده وبالخير واعده .

واذا طلبت من احد خدمه وقال لك ابشر . الجواب : مبشر وسالم من الشر

اذا كان خويك يده اليمين مشغوله وناولك بالشمال وقال لك : مدك الله باليمين . الجواب : كفانا الله وإياك شر الظالمين .

اذا قال لك الرجل ونعم . الجواب : ما عليك زود . ولكن اذا قالت لك المرأه ونعم . فلا تقل ما عليك زود ولكن قل الله ينعم عليك .

اذا احد هناك بالمطر وقال لك تهناكم الرحمه . الجواب : يهناك خير والخير مشترك .

إذا تعثر احد او سقط تقول له إسلم فيقول لك ومن قال سالم

وإذا وقع على الارض تقول عليت ويقول لك لا بليت

عز الله قيامك ==> و القاعد مايهون
شرواك ==> شرواك الطيب
طبعا للحاج او المعتمر يهنيك الفضل ==> يهنيك خير والله لايحرمك

وش حال خصوصك : ماخصك شر
الله يحييك : الله يبقيك

انطح فالك-فالك طيب
عسى ماخلاف - قفيت خلاف

كرمت ++ سلمت ودمت .... في الاكل
عليت ++ لابليت ... عند السقوط
الحذيه ++ ابشر بالعطيه ... للكسب
وش لونك ++ زان لونك .... للحال
يمناك +++ لاعدمناك .... للسلام للمصافحه

ماجور ++ سلمت العثور ... للسلام وللمرض
ياولد +++ جالك ولد .... للنخوه
وش حالك ++ طيب الله فالك ... للسلام والسؤال
وش انت ياغريب ++ ماغريب الا الشيطان ... للاستفسار في خوف
وشهو من لحيه ++ غانم ... للاستفسار عن شخص

أنخاك والا أنخى الذيب ,,,,, الرد ... يخسى الذيب

إذا مَد عليك شي وقال لك
ساعده __ تقول ( بالغنايم واعده ) أو ( عطه قعودٍ بجاعده )

اذا احد عطاك قفاه لعمل ينجزه يقول العذر والسموحه ملقيك قفاي ترد قفا الصديق ولا وجه العدو

اذا احد قال على خشمي تقول له عليه الشحم
عشت ..... عاشت امك

وش لون الذود ***> جعلك بزود (( الذود = الإبل ))
وش لون طواحنك ***> تطحن ما جاها (( تقال للشخص اللي توجعه ضروسه أو في حال سؤال الشخص عن أسنانه ))

حياك الله ..اقصرت جزاك الله الف خير

اذا قالك واحد اقلط وانت مالك خلق تقلط تقوله تقلط عليك العافيه

استريح ..عدوك الريح

الكلام عند مجيء الضيف او الضيوف
سم - سم عدوك
عند ما يعطيك فنجال قهوه
عدا- سلم ولا هدا
جبا- عد مصارينه وأمهلا

يقول من يشرب الماء بعد الشرب الحمد لله
فيرد عليه من يريد الشرب من بعده (هني)
فيرد هو (هناك الله بالإيمان ) ثم يناوله القدح

إذا واحد دخل المجلس ويسلم على الرجال واحد بعد واحد لين وصل عندك وأنت كنت غافل يقول
خمسك = الرد طاب لمسك

طيب / حالك طيب
وش حال من يعز عليك / الله يعزك بالطاعة
ارحب - ارحبوا وانا افداكم / البقاء - مرحبا باقي
خذ / كفيت الأخذ وكسر الفخذ
و العون / عان ذا اللون
اصبحت / الله يعافيك
امسيت / الله يعافيك
تفضل / زاد فضلك
اسلم / ومن قال سلم
لا حييت عنك / عدوك لا يحيا
عاد عيدكم / عيدك يعود

اذا احد مد عليك الفنجال
تقهوا ... جعلك ما تدهوا
اذا تممت ويلزم عليك
واحد ... عساك ما تستاحد غير من الذنوب

يقال للمريض ..(مأجور) يرد عليه
(الله يجيرك من النار..أو يجيرك من العثور)
يرد عليه(الشر مايجيك)

يقول الضيف (انعم الله على من تكلف)
بعد الأنتهاء من الوليمه
يرد عليه المضيّف
(علها عوافي ..أو فيها العافيه)

إذا احد مد حاجه بيده الشمال لإنشغال يمينه
يقول (شمالي ماتشناك)
فيرد عليه الثاني ويقول
(شمالك يمين وعجفاك سمين ولاتولاك مهين)

(عسى ماخلاف)...يرد
(كفّيت الخلاف والإتلاف)
.....

واحد عنده سالفة بيقولها لك يبداء ويقول السلافة ما فيها الا عفاك ترد عليه وتقوله عفيت

وش لون الغمار(الاهل) .. جعلك من النار مجار
وش وقعك ... زان وقعك (لسؤال عن الحال)

هذي الله اعلم انها عند اهل الليث والقنفذة
اذا قام الضيف من العشاء يقول لمعزبه (اكلنا قراكم والصبيان ذراكم الله يعوض عليكم و يرحم الله والديكم) يرد المعزب (ما اكلتوا هناكم وان ماشبعتو زدناكم الله يحيي لحاكم )

(( السلام نظر )) و ردها (( أبلغت ))

لبيه ----------- لبيت حاج او لبيت في منى
مدها----------- شدها
اقول---------- تقول وتطول
اسم الله عليك---- لاباس عليك أو وعليك
سم(يعني سم حاجتك)---- عدوك يسم(يسقى السم).
وش العلم---- العلم بحر
اي خدمة--- خدمك المال والبنون و..............
ما تسمع---- اسمعك ولا اسفهك.
صحه-------- صح بدنك
أبطيت------- ما أبطى من جا
هاه؟-------- من قال هاه سمع
آمر-------- ما يأمر عليك عدو
انطح فالك---- فالكم زين
أبشر بالخير---- تحري به
واستروا ماواجهتوا وقولوا ما واجهنا الا الزين.. واعذرونا على
التقصير وقولوا ما جرى قصور
وصلوا على النبي.. وقولوا اللهم صل على نبينا محمد وسلم تسليما كثيرا.وعلى آله وصحبه أجمعين
والسلام عليكم ورحمة الله وبركاته

ههههههههههه معظمها كلام غير مصري
لا تعبت .... لا ندمت
والنعم ... ما عليك زود أو والنعم بحالك
هناك الخلاص أو هناك العقلان ... هناك خير
ماجور ... الله يجيرك
سم ... سم الله عدوك
ما تشوف شر ... الشر ما يجيك

اذا جاك واحد يسلم عليك وانت جالس
عز الله مقامك = مقامك عزيز وغالي
لاهنت ---- و لأنت

بس حلوة كتير تسلم ايديك

» كُن من رجال الفجر,,,