الموسوعة الأبجدية للأمثال المصرية (من ب: الي ي)

أمثال مصرية

الموسوعة الأبجدية للأمثال الشعبية

ب

الباب المفتوح عمره ما ينقفل
الباب اللى يجيلك منه الريح سده و استريح

الباب المقفول يرد القضا المستعجل
الباب المفتوح مفضوح

بات غلبان و لا تباتش ندمان
باب النجار مخلع

الباشا من هيبته بيشتم فى غيبته
بات مغلوب و لا تبات غالب

البايرة فى بيت أبوها
البانى طالع و الفاحت نازل

بتجرى الخايبة للغايبة
بتضحك على ايه و حملك من ورا مايل

بجوالته يربى رجالته
بتحلى الجزار فى الذبيحة

البحر واحد و السمك ألوان
البحر للخلخال

البحر يروق و يتعكر
البحر يحب الزيادة

البخت لو مال يبقى البخت من حظك
بخت العفنة بالحفنة و بخت الشطار شمر و طار

بختك يا بو بخيت
بخت الوحشة يزيد حفنه

البداية صعبة
بختى أمى أداتهلى كان شوية زودته لى

بدروا بالافطار قبل ما تجيكوا الأخبار
بدرهم و ايده خضرة

بدل ما يرهن لك بيعه
البدرية بتولد خروف و الكلبة بتولد ألوف

برد الصيف أحد من السيف
بدوى مجروح لقى نمر مطروح قال فين أروح

برة وردة و جوة قردة
البرطيل شيخ كبير

برية يا أمه من الحمة و لو كانت ملكة من السما
البركة فى اللمة

بركة يا فنا اللى خدته هو و خلتنى أنا
بركة يا جامع جت منك و ما جتش منى

بصلة المحب خروف
بالصبر تبلغ ما تريد

البط بطك ؟ لأ و الوز وزك ؟ لأ لا بط لك و لا حراسة عليك
بضاعة و الناس جواعة ؟ !

بطلوا ده و اسمعوا ده
بطل مشمش يطلع عنب سنة طويلة و لها ذنب

البطن قلابة
البطن بتجيب الزين و الشين

البطيخة القرعة لبها كتير
البطن يا ما تجيب

بطينه و لا غسيل البرك
البطيخة ما تكبرش إلا فى لبانتها

بعد جوعه يرجع لمرجوعه
البعد جفا و القرب صفا

بعد سنة و ست أشهر جت المعزين تلطم
بعد السلام تفتيش الأكمام

البعد عن الناس غنيمة
بعد الكتير و بعد ما كنا صبح القليل يجبر بخاطرنا

بعد ما راح بقى سكرة
بعد العيد ما يتفتلش كحك

بعد ما كان بيحجل زى الغراب لبس جزمة و شراب
بعد ما شاب ودوه الكتاب

بعدك عن الناس أوفر لك و ابقى لك ينصان عرضك و يتوفر عليك مالك
بعد ما كان بينام على المصطبة نجدله لحاف و مرتبة

البقرة لما تقع تكتر سكاكينها
بغدود نابت يقضيك و تعيش نفسك عفيفة و بكرة الموت يأتيك و راسك تساوى راس الخليفة

بكرة تروحى يا ناكرة خيرى و تشوفى زمانى من زمان غيرى
البكا على راس الميت

بكرة تيجى أيامك يا عوجة
بكرة تقوم القيامة و ينصبوا الميزان و يبقى المعدى يعدى و الشقى حيران

بكرة نقعد على الحيط و نسمع الزيطة
بكرة الفار يقع فى المصيدة

بكرة يقعد على البساط و ينقى ست الستات
بكرة نقعد على القش و ننفش

البلاش كتر منه
البكرية زى العروسة المجلية

بلدك فين يا جحا قال : اللى فيها مراتى
بلدك فين يا جحا قال : اللى فيها مراتى وولادى

بنا و فاعل
بلد محدش يعرفك فيها امشى و شنكح فيها

البنات زى البرسيم ساعة كده و ساعة كده
بنات الحراير دخاير

بنت الأصل تخاف من العار و لو بالنار ضربوها
البنات على قفا من يشيل

البنت ضرة أمها
بنت بلا أمها تلعب بكمها وولد بلا أبوه يركب المرجيحة

بنت المليحة فضيحة
البنت لما تكبر تقول الجبر يا القبر

ابن موت
بنت موت

البندقية فيها شيطان
بندقى فى حيط و لا جاموسة فى غيط

بوس ايد حماتك و لا تبوس ايد مراتك
بنى آدم فيه طبع و الطبع فيه غالب ديل الكلب ما ينعدل لو علقت فيه قالب

البوسة فى إيده رطل
بوس راس مراتك فى الفرشة و لا تبوسهاش فى الجلسة

بيبقوا اختين و لهم طبعين
بياكلوا بيصار و بيقلدوا من الناس الكبار

بيت النتاش ما يعلاش
البيت بيت أبونا و الغرب بيطردونا

بيحط على الغلبان لما يستعجب القوى
بيت ينشرى و بيت ينكرى و بيت يغور بسكانه

البيض الجربان يلم على بعضه
البير الحلوة نازحة

بيضة النهاردة احسن من فرخة بكرة
بيض الفرخة أحسن من ليلتها

بيع الجمال و اشترى خفه ، الجمال كتير بس الخفيف صدفة
بيضرب عصى على رجلين غيره

البيع و الشرا حرية
بيع و اشترى و لا تنكرى

بيعمل للعجور سكاكين حامية
بيعة المندرة غندرة

بيقولوا طور يقولوا احلبوه
بيعمل من الحبة قبة

بيكملوا الحجة بسرقة الجمل
بيكايد و صرمة جلايد

بيلعب بالبيضة و الحجر
بيلاعب الحية و يخاف من التعبان

بين البايع و الشارى يفتح الله
بين للجعان قرصة يعقل

بين النهار و الليل ياما يسوى عجايب
بين الفرج و الديقة قد الديقة

بينهج فى الضل

ت

تاكلى فى عيشة و تهدى فى خيشة
التاجر لما يفلس يدور فى دفاتره القديمة

تبقى فى ايدك و تقسم لغيرك
تبقى فى حنكك و تقسم لغيرك

تجارة الكتب عاوزة مال قارون و صبر أيوب
التجارة شطارة

تحت البراقع سم ناقع
تجمعهم ثومة و تفرقهم شومة

افتكرنا تحت القبة شيخ
تحت القبة شيخ

التخن على الجميز
تحلف لى أصدقك اشوف أمورك استعجب

تسيب النهار أبو عينين و تيجى لليل أبو قردين
تراعينى قيراط أراعيك قيراطين و تشوفنى بعين أشوفك باتنين

تشرق و احنا فى القصور و تغرب و احنا فى القبور
تشتم أبويا الرخيص أشتم أبوك الكويس

تصوم و تفطر على بصلة
تشفيط ما يملاش قرب

شغل ساعة و لا كل ساعة
تعب ساعة و لا كل ساعة

تعز من فى العيلة ؟ قال اللى بطبطب عليها كل ليلة
تعرف فلان ؟ أى .. عاشرته ؟ لا .. تبقى ما تعرفوش

التعليم فى الكبير زى النخس فى الحمير
تعلم فى المتبلم يصبح ناسى

تغور الجنينة اللى حارسها القرد
تعمل من الزبيبة خمارة

تفطس و لا سكينة اللئيم
تفرى من مقدرى لا تقدرى

تفوت على الجزار تعيط
تفطس و لا سكينة الندل

تقيل الدم إذا أحس بدمه طفح الدم من حلقه
التقل ورا يا قبانى

تكون فى غيرك و تقسم لغيرك
التقيل فى القعر

تموت الحداية و عينها فى الصيرة
تموت الحداية و عينها فى الصيد

تناها عل ضهر ايدها
تموت الحداية و ديلها يلعب

تور الحرت ما يتكمم
تنصح الجاهل يعاديك

تيجى يصيبه يصيبك
تولد كل يوم مية و تقول يا قلة الذرية

تيجى مع العور طابات

ج

جابوا اعورنا يقيد نوارنا
جاب عاليها واطيها

جاتك داهية فى أبوك اللى مات من الجوع

قال : هو لقى أكل و لا كلش
جابوا عدوتى مغسلتى

الجار أولى بالشفعة
جاتها خيبة اللى عايزة الخلف

جارية و تحب لها جوار على خيبتك يا زمان
الجار جار و لو جار

جاور الحاوى و لا تجاورمحلاوى
جالك الموت يا تارك الصلاة

جاى يطل غلب الكل
جاى امبارح يملك المطارح

جايب الغراب لآمه خرية فى كمه
الجايات أكثر من الراحات

جنت الآقرع يونسنى خلع راسه وخوفنى
جبال الكحل تفنيها المراود وكتر المال تفنيه السنين

جبت الديك من ديله
جبت سيرة القط طلع ينط

جبت العمية ترد الرمية
جبت سيرة القط طلع ينط

جبر الخواطر على الله
جبتك يا عبد المعين تعيننى لقيتك يا عبد المعين تنعان

جت لى شرقة فى ريقى بينت عدوى من حبيبى
جت العازبة تشكى لقت المتجوزة بتبكى

الجد جد و الشغل شغل
جحر ديب يساع ميت حبيب

جرى الرجالة زى بحر النيل و جرى الولاية زى نقط الزير
جر السحلية و لا قطع الدرية

جعان افت لك
جزرة قطمها جحش

جعران عشق خنفسه و خلع لها توبه و بنى لها قصر و شال لها طوبه ما يوافق الزبون الزفت إلا محبوبه
جعان افت لك ، تتعشى و لا تبات خفيف

جم يساعدوه فى دفن أبوه سابهم و مشى
جلد على عضم

الجميل له اللى أجمل منه
الجمل يمشى و يحدف لورا يشوف عيوب الناس و عيوبه لا ترى

الجنب اللى يريحك نام عليه
الجنازة حارة و الميت كلب

جه المزين يفتح باقرع استفتح
جنة من غير ناس ما تنداس

جود بالموجود
الجواز قسمة و نصيب

جوز البنية أغلى من نور عنية
الجودة من الموجود

جوز الضراير غندور و لو كان له بربور
جوز الصبية على الفراش بيقول الحى عندى أبقى من الميت

جوزوا حميدة لعبد الحميد و ليهم على الخد كراته و نقطوهم بقشر الفسيخ من مجرم لشحاته
جوزت ابنى لبنتى الوش وش بنتى و القفا قفا مرات ابنى

جوزها يوفرها و عشيقها يجرجرها
جوزك يحبك قوية و جيرانك تحبك سخية و اهلك يحبوك غنية

جواب النحس على طرف لسانه
الجواب الحلو يبان من عنوانه

الجوع كافر
جوع سنة و اشبع العمر كله

جوعه على جوعه تخلى الصبية زوعة
الجوع ما بيخليش مرابط

جيب البر اللى عمره ما يقر
جوعه العويل يوم تربى له ماليه سنة

جيب السبع ما يخلاش
جيب السبع ما يخلى و إذا كان مخلى

جيب ابيع الكتان ماتت النسوان و جيت أتاجر فى الحنة كترت الأحزان
جيبك أقرب من ايدك

جيت أدوقه كلت عروقه
جيت أبيع الحنة كترت الأحزان و رحت أعمل مسحراتى قالوا راح رمضان

جيت أغير البخت ما تغير اتارى قليل البخت متحير
جيت أغير البخت لبخت

الجعان يقطع الحبل و العطشان يكسر الحوض
الجعان يحلم فى سوق العيش

ح

الحاجة اللى تدور عليها ما عليهاش نور
حاجة بدعناها و لا طلعنا لقيناها

حاطط مسلته فى قفا غيره
الحاجة المفرطة للقطط المسلطة

الحال على حال و الطحين على عياره
حافظ على مالك يزيد النص

حاميها حراميها
حالق راسه و عدمان ناسه

الحب مالوش كبير
الحب أعمى و أطرش

حب ووارى و اكره و دارى
الحب مستغنى عن الجمال

حبايبى رأيتهم ناقص حيطان بيتهم
الحب يعمل المستحيلات

حبة على حبة تملا قبة
الحبلة تمشى و تتمايل و تحسب ان الحبل دايم

حبنى و خد لك زعبوط قال : هى المحبة بالنبوت
حبنى و خد لك ريال ، هى المحبة بالحيال ؟!

الحريص محروم
حرمة من غير راجل زى الطربوش من غير زر

الحزينة فى حزانها و الفايقة بتسلك فى سنانها
الحزن مش كده يا خايبين الرجا

الحسن و الجمال زمانه بينقضى و العقل و الحشمة خيار البضايع
الحس عالى و الفراش خالى

الحسنة المدارية فى البيع و الشرا
حسنة قليلة تمنع بلاوى كتيرة

حسنة يا سيدى قال سيدك بيشحت
حسنة و أنا سيدك

حط ايدك على عينك زى ما توجعك توجع غيرك
حصيرة الصيف واسعة

حط السمن على الرماد يتاكل
حط راسك فى وسط الروس و ادعى عليها بالقطع

حط السمن على التراب يتاكل
حط السمون على الرمول تتاكل

حط فيه يبان حواليه
حط فى مدوده تلاقيه فى مرقده

حطوا على كلكم لما الهم خلانى لكم
حط القرش على ودن القرد يلعب

حطيت صوابعى العشره فى الشق
حطى جوزك فوق السطوح ان كان فيه خير ما يروح

حلاوة حديت الأخ لاخواته عسل مكرر فى خلاياته
الحلابة و لا الدق فى العجول

حلاوة اللسان عزوة بلا رجال
حلاة حديت الأخت للخيه سكر مكرر يا اختى ما طالته ميه

حلم الجعان عيش
حلبوا قردة كشت قالوا : يغور اللبن اللى ييجى من وشك

الحلو طوق فى السدران عطل حاله شاهد جماله
حلنى يكون ماتت ناس و حيت ناس

الحلو ما يكملش
الحلو حلو و لو قام من النوم و الوحش وحش و لو غسل وشه كل يوم

الحما عقرب تقرص و تهرب
الحلوه تجيب الزين و الشين

حماتى مناقرة ، قال : طلق بنتها
الحما حمة و لو كانت ملكة من السماء

الحمار العكس يقع فى اردى الآنية
حمار الصيف حمار الشتا

مال ما هو لك عضمة حديد
حمار ما هو لك عضمة حديد

حمار و طور و جاى يتلاعب علينا
الحمار المكر يقع فى اردى التلاليس

الحمل ثلاثة و حم و ثلاثة سأم و ثلاثة شحم
حمارتك العرجة تغنيك عن سؤال اليتيم

الحيطة لها ودان
الحيا سنة و مسح الجوخ فرض

خ

الخالة و الدة
الخال والد

الخالى غالى
الخالصة لها فى البر طريق

الخايب زى بياع البدنجان ما يهاديش صاحبه إلا بالسودة
الخايب خايب و يطلع من الدنيا بلا نايب

الخبر مع مين ؟ مع المكسحين
خايف أقول يانى و العدو جنبى ، خايف أقول يانى يقول خلص ذنبى

خدام يخدم خدام من ميلتك يا زمان
خد بنت الأصول مع الزمان تدور

خد بنت الندل و خاصمه
خد بنت الأصول لزمان يطول

خد الحلو و اقعد قباله و ان جعت شاهد جماله
خد الجميل و اقعد فى ضله

خد رعنتهم و لا تاخدش ساهيتهم
خد خميسة و ان شاء الله ما قرا

خد الغندور و اقعد قدامه
خد الصبى على صبيانك يا مشتهى الدرية

خد لك من كل بلد صاحب و لا تاخد من كل بلد عدو
خد الغندور و نام قدام الكانون

خد من دقنه و افتل له
خد من التل يختل

خد من ديله و افتل له حبل
خد من ديل الشب و ارخى على الفرقلة

خد من الطاقة و حط فى الطاقة تلاقى فى الطاقة
خد من الزرايب و لا تاخد من القرايب

خد من قرنه و ادهن له
خد من عبدالله و اتكل على الله

خد و ادى تكسب ودى
خد من لسانه و اكتب على جبينه

خدتك دهب كسر من حدا الوزان برضاى و ضمنت عيبك و لو كان حد وياي
خد الورد و شمه القلب زهقان منه

خدها فى كمك لتغمك
خدتك سلف من العوز يا سنبلة روحى خدتك اكيد العوازل كدت انا روحى

خدهوم بالصوت ليغلبوكم
خدوا جوز العاقلة اتجننت

خدوهم فقراء يغنيكم ربنا
خدوا فالكو من عيالكم

خدى بختك من حجر اختك
خدى بختك من ايد اختك

خرطه الخراط و اتمدد مات
خدى شايب يدلعك و لا تخدى صبى يلوعك

خسارة الشوية و لا خسارة البنية
خسارة الربعية و لا خسارة البنية

خسارة قريبة و لا مكسب بعيد
خسارة فى المال و لا خسارة فى العيال

خش بشى تنتشى
خسر سوقك و لا تخسر فلوسك

خطوة عزيزة
الخضرا تنجى من النار

خف على بهيمك يطول عمره
خف تعوم

خلف يشرف و خلف يقرف و خلف يجيب العار لحد الدار
خلص تارك من جارك

خلق ناس و تحفهم و كبب ناس و حدفهم
خلفتهم لما حفى ديلى و ربيتهم للغير يا ويلى

خلو العسل فى قناطيره لما تيجى له تساعيره
خلقته لركبته و عشرة فى خدمته

خلى عدوك بره و اتكلم كلمة لله
خلى الزمان يعمل ما بدا له اللى حوجنا للندل و سؤاله

خليك فى حالك يزيد رسمالك
خلى فى العين دموع

خليكى يا ما حبتينا خليكى نشكى علتنا
خليك ورا الكداب لحد باب البيت

الخنفسة فى عين أمها عطارة
الخنفسة تقول ما أحلى ولادى على الحيط لولى و مضلمين فى خيط و يقول لها الجعران من حسننا طالعين و لادنا زينا

الخوف يربى الجوف
الخوف بالعين

الخيبة عز تانى
الخيبة حطة و الباب مفتوح سده قوام لريحتها تفوح

خيار الناس اللى تكسب الناس منه
خيبة الناس السبت و الحد و خيبتى ماهيش على حد

خير تعمل شر تلقى
الخير بيخير و الفقر بيغير

الخير على قدوم الواردين
خير الشبة يبان على الضبة

خير الكلام ما قل و دل
خير فيمن بكانى و بكى الناس على و لا خير فيمن فرحنى و فرح الناس فى

الخير يخير لما الفقر يدنى و يغير
خير ما عملنا الشر يجينا منين

الخيرة فيما اختارها الله
الخيرة فى الوقعة

خيره كافى شره

د

الداخل بخاطره و الخارج بخاطر الناس
الداخل بينهم خارج

الدارج دارج و لو مشيت عليه النوارج الدار اللى ما فيهاش لبن خراب زعق فيها أم قويق و الغراب

داهية تخفى الشرك و إذا كان فى الغدا
دارى على شمعتك يا ابتليت دارى

دبور زن على خراب عشه
دبقى يا خايبة للغايبة

دس ما حد يحس دخان الشتا زفردخل الضيف على الحلى قال له انت مين

دقة بدقة و لو زدنا لزاد السقا
دعا الحما من الحِمى

الدكان جنب الدكان و الرزق على الرحمن
دقوا الطبلة و جريت الهبلة

دلع الفقارى يفقع المرارة
الدكان جنب الدكان و الرزق على الله

دلعونى لأغضب
الدلع فى الكبير زى الزغزغة فى الحمير

دماغ من غير كيف تستاهل سيف
الدم ما يبقاش ميه

الدنيا دى أشغال شاقة و آخرتها اعدام
الدنيا حظوظ و مزاجات

الدنيا غدارة و اللى متغطى بيها عريان
الدنيا زى الغازية ترقص لكل من كان شوية

دنيا فنيا و الزمن باس
دنيا غرورة

الدنيا لذتها شقاها
الدنيا كده ساعة غالب و ساعة مغلوب

الدنيا ماشية بالمشوار و انا اللى عقلى مندار
الدنيا ما تغنيش عن الآخره

دنيا و اللى مستغطى بيها عريان
الدنيا ما لهاش أمان

ده فى السوق و ده فى السوق و الرك على النصيب
ده عادتك و لا هتشتريها ، دى عادتى و متقندلة فيها

ده مال سايب
ده قطته جمل و براغيته رجاله

الدهب يعوز النخالة
دهان على وبر ما ينفع الجربان

دوا العدس كمره
الدهن فى العتاقى

دود المش منه فيه
دوام الحال محال

دور الحق على غطاه لما التقاه
دور تبقى غندور

دور على ميتك تسخن
دور الزير على غطاه لما التقاه

دونى و دونك الميدان و القصير و الطويل بيان
دور مع الزمان يدور معاك

دى عادتك و ال هتشتريها ؟ دى عادتى و متربى فيها
الدى على الودان أمر من السحر

الدى فى الودان يقلب القفدان
دى عوجة القرطة و ايدها فرطة

الذوق ما فاتش باب النصر
ديل الكلب لم يتعدل و لو علقت فيه قالب

ر

الراجل ما يعيبه إلا جيبه
الراجل الخايب خلفته كتير و البطيخة القرعة لبها كتير

راحت رجال العز و الهيبة و قعدت رجال ما تختشى العيبة
راح النور و قعد القوار

راسه و لا راس التيس
راحت الناس و فضل النسناس

رايح فين يا زغلول بين الملوك
الرامب أحسن من الماشى

ربك و جارك عالم بحالك
رايحين تبرموا على مين و احنا كلنا برامين

ربنا بيرزق الكتف بطوبة صحيحة
ربنا بيرزق الديب العجوز بالنعجة السمينة

ربنا رب قلوب
ربنا خلق البحر و مده كل واحد على قده

ربنا قبل ما يبلى بيدبر
ربنا قبل ما بيبلى بيصبر و قبل ما يكسر بيجبر

ربنا مريح العرايا من غسيل الصابون
ربنا ما بيديش عايز

رب هنا رب هناك
ربنا موجود فى كل الوجود

ربنا يبعت للعويلة ولد تقعد جنبه و تنسند
ربنا هو المخلصان

ربنا يفدى شئ بشئ
ربنا يخليك يا بكبك يا للى أمك تتحجج بك

ربى العجال على قفا الأندال
ربى ابن ابنك و ابن بنتك لأ و ابنى فى ملكك و ملك غيرك لأ

الربط غلب العفريت
ربيت كلبى و اندار عقرنى لا خير فى تربية الكلاب

الرجالة غابت و الستات سابت
الرجالة عند اغراضها نسوان

الرجل تدب مطرح ما تحب
رجل بره و رجل جوه

رجل دارت عارت إما سرقت أما فتنت إما قالت
رجعت ريمة لعادتها القديمة

الرجم بالطوب و لا الهروب
رجعت حليمة لعادتها القديمة

الرخيص غالى و الغالى رخيص
رحت للحواية حوتنى و رحت لأم أربعة و أربعين قرصتنى

الرزق الديق بيريح صاحبه
الرزق الخفيف بيريح صاحبه

رزق الهبل على المجانين
رزق الشباب ورا الباب

الرزق يحب الخفه و المبدر رزقه أكتر
الرزق يحب الخفية

رش المية عداوة
الرزق يوم بيوم و الأرزاق على الله

الرغيف اللى يلمع للصاحب اللى ينفع
رطل نحاس بيغنى ناس

الرك مش على النون الرك على ايد الزنزن
الرك على النية

ركبتك يا اعرج العرج حطيت رجالك فى الخرج
ركب الخليفة و انفض المولد

الروح من حديد ما بتطلع ورا حبيب
ركبى سابت

ريحة البر و لا عدمه
ريحة الإدام و لا عدمه

الريس يحبك امسح ايدك فى القلع

ز

زبله و مقاوح طياره
زبال و فى ايده ورده

الزرع لما بيشوف صاحبه يربى
زبلة و مقاوح التيار

زورونا بالأقدام و لا تزورونا بالإحسان
زرعت لو كان فى أرض لو كنت و سقيتها بمية يا ريت و طرحت ما يجيش منه

زعل جارتى و لا خسارتى
الزعرة لها رب ينش عليها

زقزوق على البركة بيضحك و هو ضحكة
الزعلان يشرب من البحر

زوق الطوبة تبقى عجوبة
الزمان ده أخوك ما أهو أخوك و أبوك ما هو أبوك

زى أبو قردان عويل و نضيف
زى - زى الحصان .. زى النحلة .. زى الحمار .. زى السبع .. زى البغل ؟.. الخ

زى اللى بينفخ فى قربة مقطوعة
زى أكل الحمير فى النجيل لا الحمير بتشبع و لا النجيل بيخلص

زى أم العروسة فاضية و مشبوكة
زى أم عثمان تكنس الوسط و تسيب الأركان

زى بندق العيد مزوق و فاضى
زى البرغوث فى اللبن

زى التيس
زى البيض الممشش يتدألج على بعضه

زى جرى المعيز فى الشوك لا الشوك بيتكسر و لا المعيز رجليهم بتوجعهم
زى جرى الكلاب

زى الجمل ما بيعبعبش
زى جمعية الأغربه أولها قاق و آخرها قاق

زى الخروع تشرب و تسد القناية
زى الحلوف

زى خيال المآته
زى خلفة الناموس البنت خايبة و الولد متعوس

زى الزواعيق يسفوا تراب و يشيلوا عالى
زى الرهوان

زى الطبل منفوخ على الفاضى
زى السمك شوكته فى ضهره

زى الغريق يتلصم على ديسة
زى عويعة محشور فى كل بيعة

زى الشريك المخالف
زى الفرس المخالف

زى القرع يمد لبره
زى الفريك ما يحبش شريك

زى القطط بسبع أرواح
زى القرس ما يمدش إلا لبره

زى القطط ياكلوا و ينكروا
زى القطط قرابة كتير و ذمة ما فيش

زى الكلب
زى قمر أربعتاشر

زى مسمار جحا
زى ما أكون منك اكون لك

زى الملح محشور فى كل حاجة
زى المش كل ساعة فى الوش

زى ولاد الحد لا يتماشى و لا يتعاشر
زى هرار المستهوى

زيادة الطبيخ مية
زيادة الخير خيرين

زينة البنت شعرها

س

ساعة الزحمة طاهروا المقليط الأعمى
ساعة الحظ ما تتعوضش

ساعة لقلبك و ساعة لربك
ساعة القضا يعمى البصر

السبب يقول كل منى و لا تاكلنى
ساهى الكداب وحدته

سبع صنايع و البخت ضايع
سبع صنايع فى ايديه و الهم حاطط عليه

ست تستغفل ست و تقول لها ريحة هدومك مسك
سبهم فى المجالس اياك يعتبروا

الست زى الفريك ما تحبش فريك
ست الحيط كل يوم تغير فستان

ست لئيمة و أنا الأم منها تعد اللحمة و أنا انقص منها
الست اللى ما بتخلفش زى الضيف

الست و الجارية على مشط بسارية
الست ما منهاش زادها الطلق و النفاس

ستين مقاس و لا قطعية منشار
ستى مش فيكم و أنا جاية أهنيكم

السكات علامة الرضا
السعيد يهنى و يهنى له و الفقير يا ضنى حاله

سكتنا له دخل بحماره حتى البردعة شلناها له
سكة أبو زيد كلها مسالك

السكران فى زمة الصاحى
السكر و الشاى العجيب ان خف الجيب منين نجيب

سكينة الأهل ما تدبحش
سكينة الأهل متلمة

السلطان من لا يعرف السلطان
السلاح يطول

السلف يربى العداوة
السلف تلف و الرد خسارة

سليم ما تكسر و مكسر ما تاكل و كل لما تشبع
السلفة داهية مختلفة

سمسم بحلاوة ما محبة إلا بعد عداوة
السمار نص الجمال

السمك لا يشبع اللى ياكله و لا يغنى اللى يصطاده
السمك الكبير ياكل السمك الصغير

سمك فى مية
سمك فى بحر

سيب حبيبك على هواه لما ييجى ديله على قفاه
سيارة و ربعة تسوى من الطوال سبعة

سيدى ما اخفه لا فى ايدى و لا فى طرفه
سيدى بندق ما صدق

سيرة بنى أدم أطول من عمره

ش

شاعر و ربابة
الشارى ما يبعش

الشايب لما يدلع زى النعش المخلع
شاوروهم و اخلفوا شورهم

شايلة و مرضعة و جارة أربعة و طالعة الجبل طالبة الحبل
شايب و عايب

الشبعان يفت للجعان فت بطى و يقول له كل لما تشبع
الشبشب و القبقاب بقوا أصحاب

الشجرة اللى ما تحلش لأهلها حلل الله قطعها
شبيه الترمس اللى حضوره زى غيابه

الشحات اللى ما يجيبش على بابك أغنى
الشجرة اللى ما تضلل أهلها تستاهل القطع من جدرها

الشحات له نص الدنيا
الشحات قلبه وجعه و صاحب البيت على مهله

شحات و عايز عيش قمح
شحات و طماع و طالب طلب عالى يدوا له كحكة يقول دى عوجة غيروها لى

شرارة تحرق الحارة
شرا العبد و لا تربيته

حلاوة الأخد العطا
شرط الأخد العطا

شرمه و تاكل بامية
الشرط عند الحوت و لا النجنجة فى الجرون

الشريك المخالف زى العمل الردى
شرط الموافقة و الموافقة

شعب تجمعه ندهه و تفرقه عصاية
الشريك المناكف و لا الوحدة

شغل الخواجه لأولاده
الشعر ما يباتش بره

شغل ساعة و لا كل ساعة
شغل المعلم لابنه

شغته و لحمه و ما غرب إلا احنا
الشغل شغل

شكلك تجبر طالب تانق
الشقا له نا س بالعنية

الشكوى لغير الله مذلة
الشكوى لأهل البصيرة عيب

شوبش على اللى طبخ لحمة لقاها بصار و راح يجيب الضيوف تاه عن الدار
شماتة الحساد تفتت الأكباد

شويه فى العين دى و شويه فى العين دى
شورة المرة تجارب سنة

شئ ما كان لها و ربنا اداه لها
شئ اسمه هفوا اللى يفرقه العويل يسفه

الشيخ الباتع يقيد نفسه
الشيخ فى البيت مليح

شيل ده من ده يرتاح ده عن ده
شيل ايدك من المرق لتتحرق

شيلنى ما لا أطيق و لا تمشينى مع الغشيم

ص

صابعك منك و لو كان أجدم
الصابرين لهم الجنة

صاحب بالين كداب و صاحب تلاتة منافق
الصاحب اللى ما ينفع جاتوا مدفع

صاحب الحق عينه قوية
صاحب البيت على مهمله و الشحات خرب عقله

صاحب القرش صياد
صاحب الحق نطاح

صاحبك اللى عاوز تبقيه ادى له حساب يرضيه
صاحبك اللى ما تمسيه ما تعرف اللى جرى ليه

الصباح رباح
صباح الخير يا جارى آل انت فى حالك و انا فى حالى

الصبر طيب و طبيب
صباح القرود و لا صباح الأمرود

الصبر على البلوى عبادة
الصبر حرق الدكان

صبرى على نفسى و لا صبر الناس على
صبرى على نفسى و لا صبر الجزار على

حرة صبرت فى بيتها عمرت
صبية صبرت فى بيتها عمرت

الصدق أمانة و الكذب خيانة
صدغ ملك و لا فران شرك

صلح الديب على الغنم
الصغيرة مرة و الكبيرة مبزرة

صنعة فى اليد تغنى عن الفقر فى الغيب
الصندوق على العروق

الصوت عالى و الفراش خالى
صهين تفلصع حليط تكسب

الصياد بيتقلى و العصفور بيتسلى
صومعة بتعاير بنية قالت لها كلنا بالطوف يا مرزية

الصيف أحمى من السيف
الصيت و لا الغنى

الصيف كيف
الصيف عفا و الشتا لحاس القفا

صافى يا لبن حليب يا قشطة

ض

الضحك على اصناف : يا كيد يا فقعة يا قلة أصناف
الضافر ما يطلعش من اللحم

الضحك غلى و بقى له أسعار
الضحك على الشفاتير و القلب يسبغ مناديل

الضرب بالسيف و لا حكم العويل فى
الضحك من غير سبب قلة أدب

الضرب بالنار و لا شفاعة ابن قحبة
الضرب بالطوب و لا الهروب

الضرب فى الميت حرام
ضرب الحبيب زى أكل الزبيب

ضربتين فى الراس توجع
ضربت كف على كف ما عملتش للدهر حيلة ، أم الفلافل تقضى بفلوس قليلة

ضربوا الأعور على عينه قال خسرانة خسرانة
ضربنى و خرج تعرج و اللى دخل القلب ما بقاش يخرج

الضرة مرة و لو كانت حلق جرة
الضرة تعدل العصبة

ضيع سوقك و لا تضيعش فلوسك
ضل راجل و لا ضل حيط

ضيف الحارة أكله خسارة
ضيف الحارة خسارة

الضيف المجنون ياكل و يقوم

ط

طالعين من الجحور يضربوا أهل البلد
طاحن دقيقه و لا حد يعيقه

الطبال أعمى و الزمار أعمى
الطباع تعدى

طبق كنافة و وراه آفة
الطبع و الروح فى جسد ، ما يطلع الطبع الا لما تطلع الروح

طردتهم من الباب جم من الحيط الطحان ياخد حفان بحفان و ربنا ياخد حصان بحصان

طلب الغنى شقفة كسر الفقير زيره جته داهية الفقير على قلة تدبيره
طلب الأب من الابن ذل و طلب الابن من الأب عز

طلع عين الكلب و ارميها و اللى فيه خصلة ما يسليها
الطلب الهين يضيع الحق البين

طلع النهار و بان العوار
طلع من المولد بلا حمص

الطماع كومه شوية
الطلق حرب الصبايا

طمعنجى بنا له بيت فلسنجى سكن له فيه
الطمع قل ما جمع

طوبة على طوبة تخلى العركة منصوبة
طوب البلد لأهل البلد

طور الله فى برسيمه
طوبة فى بيت و لا جاموسة فى غيط

طول عمرك يا رده و انت كده فترد : طول عمرك يا خالة و انت على دى الحالة
طول عمرك يا خالة و انت على دى الحالة

طول العيش ما هو موجود الملح بشرقة
الطول على الجوز و التخن على الجميز

طول ما انت جارى و ما تروح بتارى
طول ما ابن آدم حى رزقه جى

طول ما لى فرخة ما تتوهليش قمحة
طول ما انت طبال و أنا زمار تضحك علينا الرقاصة

طول ما الولادة بتولد ياما على الدنيا شاطر
طول مانى قاعدة على الحصيرة ما انت شايف طويلة و لا قصيرة

الطويل للعز و الهيبة و الوسط فى العلم و الحكمة أما القصير للمكر و الفتنة
الطول هيبة و لو كان على خيبة

طير فى السما اسمه طفندر بيلم الأشكال على بعضها
الطويلة تقضى حاجتها و القصيرة تنده جارتها

الطيور على أشكالها تقع

ع

العاجز فى التدبير يحيل على المقادير
عاتب الصغير كبر و لا تعاتب الصغير إذا صغر

عادى أمير و لا تعادى غنى
عاد للديانة مفتاح الخزانة

عاشر يا ابن آدم مسيرك تفارق
العار اطول من العمر

عامل زى اغربه كوم النور
عامت قرقشت غرقت قرقشت

عامل فص لمون فى بلد قرفانة
عامل زى الغراب الأبيض

عانى وزير و لا تعانى غفير
عامية تحفف مجنونة و تقول لها حواجبك مقرونة

عايرنى و اعايرك يا للى الهم طايلنى و طايلك
عاوز تغيظ اللتات العجان كثير الكلام اترك مجلسه من غير كلام

عايق و مدايق
العايط فى الفايت نقصان فى العقل

العبد فى التفكير و الرب فى التدبير
عايم فى مية بطيخ

العبد و سيده على المحطة
العبد و سيده على الله

عتبى على ما هم منى لا هم من اهل أبويا و لا من أهل أمى
العتب على النظر

عجان السم بيدوقه
عجان الصبر بيدوقه

العجب قتلنا و مش بخاطرنا
عجايب تتحط فى زكليب تتفرج عليها الأشولة

العدس ما لوش غير كمره
عجل بيفسد حلقة

عدو أبوك عدوك و إذا خليته
العدم على اللى اتردم

عدو زمان ما لوش أمان
العدو بن العدوة جربى جر الفروة و الحبيب بن الحبيبة ما لقاليش فى البحر طيبة

عدوك القريب و لا عدوك البعيد
عدو عاقل و لا حبيب مجنون

عدو دينك عدوك
عدوك عدو دينك

العدو عدو و لو اكلته حلاوة السن يضحك و قلبه كله عداوة
عدوك عدوك و لو هاديته

عرق جنب الودن ان الحما تكره مرات الابن
العرس عرس أبونا و الناس يضربونا

عرق فى القفا يقول العشا العشا
العرق فى التدريب يوفر الدم فى المعركة

العرق يمد لسابع جد
عرق ورا الودن ما يجيبش مرات الابن

عروسة السبوت يا ترجع يا تموت
عروس الدار ليس لها مقدار

عريان بيجرى و را مقشط
العروسة للعريس و الجرى للمتاعيس

عريان سنة و اشتكى الخياط على يوم
عريان الراس و يحب الرقص

عريان الغفلة و الباب بلا قفلة
العريانة فى القافلة مرتاح

عز المرة الرجل المغفل
العريس الهنى يبان من نفقته

عز الولد ولد الولد
العزوبية و لا الجواز العار

عشان الورد ينسقى العليق
عش بيضحك أفضل من قصر بيبكى

عشانك يا سلفى لا جيب تراب و اغمس فلسى قال لها ان شاء الله تعمليه دكان يا معفورة النسوان
عشان تدوق الحلو لازم تشرب المر

عشمتنى بالحلق تقبت أنا ودانى
عشرة الليل تسعة

العصا لمن عصا
عصفور فى اليد خير من ألف على الشجر

عفه يعفك
العقل زينة

علقة و تفوت ما حد يموت
عكر الصابون و لا رايق الميه

العلم بالشئ و لا الجهل به
علم بلا عمل حمل بلا جمل

علمناكوا الشحاتة سبقتونا على الأبواب
العلم نور و الجهل عار و لا يرضى به الا الحمار

على بخت العور هدوا الدور
على بخت الحزانى هدوا الخزانة

على عينك يا تاجر
على سنجة عشرة

على قد زينه كيل له
على قد حاله

على الكبر شاع الخبر
على قد فوله ادفوا له

على ما أقول يا خالتى تكون انقضت حاجتى
على لسانى و لا تنسانى

عليل و عامل مداوى على ما تكحل العمشة يكون السوق خربعلى ما ييجى الترياق من العراق يكون الملسوع فاق

عمر الدم ما يبقى ميه
عمر الأسى ما يتنسى

عمر المرة ما تربى عجل و ينفع
عمر الشقى بقى

عمر الوحدانى ما يكيد عدو
العمر واحد و الرب واحد

عود أحمر فى حزمة خضرا
العند يورث الكفر

عويل بلاده عويل بلاد الناس
عويل مواظب و لا شاطر مقطوع

عيادته زيادته
عويل و لسانه طويل

العيال يعوزوا أم من حديد و أب سعيد
العيار اللى ما يصيب يدوش

العيد الصغير قبل العيد الكبير
عيب الرجال قلتها و عيب الصبية قلة نصفتها

عيش ديك يوم و لا فرخة سنة
العيش دره و الكلام رومى

العيش لما يتفتش ما يتاكلش
عيش فى الهنا يوم و لا تعيش فى الهم سنة

عيشك يحلالى يا خالى قال : من سوء عيشتى يا ابن اختى
العيش مخبوز و الميه فى الكوز

العين بصيرة و الايد قصيرة
العين أقرب من الحاجب

عين الحسود فيها عود
العين تفلق الحجر

عين عليها يا مريض
عين عدوك و اعدى عداك

العين فى الحيط و الجلة فى الغيط
عين فى الجنة و عين فى النار

العين قطعت الحجر نصفين
عين قرشك فى الحيط و لا تعينوش فى الغيط

العين ما تعلاش عن الحاجب
العين فلقت الحجر نصين

العين يتكرم لها الف عين
العين ما تكرهش الا اللى أعلى منها

العينة بينة يا زباين

غ

غار الجمل بما حمل
غاب القط العب يا فار

الغالى رخيص
الغالى تمنه فيه

الغايب حجته معاه
الاوى ينقط بطاقيته

الغجر بيكارموا بعض
الغايب ما لوش نايب

الغراب بيزعق على هد عيشه
الغجرية ست جيرانها ان ما خافوا منها يخافوا من لسانها

غراب ضمن حداية الاتنين طايرين فى طايرين
غراب زن على خراب عشه

غربه و كريه و قلة حبيبة
الغراب ما ينقرش فى عين أخوه

الغرض مرض حتى القرابة على التراب
الغرض مرض

الغريب بصير و لو كان اعمى
الغريب اعمى و لو كان بصير

الغزالة تغزل برجل حمار و ال\عويلة تغلب العطار
الغزالة تغزل برجل حمار

الغلب مش عيب لما القضا اتحكم و اتسلطن ابن الندل فى الاصيل و اتحكم
غزية الشكل مش غزية

الغنم غنيمة
غلطة سيبت عضمى

الغنى مات شدوا الخبر و الفقير مات اكفوا على الخبر
الغنى شكته شوكة قامت البلد كلها بدوكة و الفقير قرصه ثعبان قالوا كان فين داير محتار

الغولة بتفرق كرشه ، يكفيها هى و يكفي عيالها
الغنية تعاير بمالها و الحلوة تعايب رجالها

الغيره تعلم الحيره
غيبوا حبة تزيدوا محبة

غيرت بختى و البخت ما تغير و الله قليل البخت متحير
غيرة الحرة بكا و غيرة القحبة زنا

ف

فار وقع من السما قال القط : اسم الله قال له : سبنى خلى العفاريت تاخدنى
الفار المنمرد من نصيب القط

الفاضى يعمل قاضى
فارين : يا ويلهم يتقاتلوا على شق غيرهم

فتح عينك تاكل ملبن
الفانس يغلب الحارس

الفخرانى بيشرب فى شقافة
فتلة العويلة طويلة

الفرح لعلعة و العروسة ضفدعة
الفراق صعب

الفرخة تقول كاك و الديك يقول كوكو .. كوكو
الفرحة خطف

الفرع يمد لسابع جد
الفرخة الجعانة تحلم أنها فى سوق الحب

فرقت مالى بايدى نسانى الصلا و العبادة
فرق المراكب من الماشى حل البردعة

الفرح فى ميت المخلص و أهل شرشابه بترقص
الفريك دره و العيش دره و العافية تيجى منين يا ترى

الفضيحة كلام مش فعل
فص ملح و داب

فقرى و صاحب مزاج
فقر بلا دين هو الغنى الكامل

الفقى ياكل و يتلدد و الميت ينشف و يتقدد
الفقى لما يسعد يجيله عشوتين فى ليلة واحدة

فقير و نقير
الفقير قال الفار قرض الخشب قالوا له : كداب و الغنى قال : الفار قرض الحديد قالوا له : صادق

الفلاح يوم ما يتمدن يجيب لأهله نصيبة
الفقير يقول قرش يجى له كرش

الفلوس على أحسن شئ تدوس
الفلفل بالوقية و الجير بالقنطار

الفلوس مع التيوس
الفلوس على كل شئ تدوس

فوتنا على دقادوس ما جرالنا بلد تبيع المش بالفنجان
فوت على عدوك جعان و لا تفوتش عليه عريان

فى الأخذ زى النكاح و فى الطلب زى الولادة
فولة و انقسمت نصين

فى البيت قردة و برة وردة
فى البطن علة و على الكتف شلة

فى فرحكم اروح و أرجع و فى همكم لى التلات أربع
فى الجير و لا يتنحل

فى نص هدومه
فى فرحهم منسية و فى حزنهم مدعية

فى همك و انا اتاتى و أنت تقطع فى أوتاتى
فى الهم مدعية و فى الفرح منسية

فى و لا فيك يا أحمر

ق

قاضى النسا اشتكى روحه
قاضى العيال اشتكى روحه

قال الأبقى الأخ و لا الصاحب قال الأنفع فيهم
قاعد ف المحمة و جايب أخبار الناحية

قال إه اللى أحلى أحلى من العسل قال المش اللى ببلاش
قال ادخل الزربية نقى لك كلب قال كلهم كلاب ولاد كلاب

قال ما تعيبوا يا قوم إلا على الصلاة و الصوم
قال لها أرقصى قالت حزمونى و مسكونى عصاية

قال بابا شرفنى قال لما يموت اللى يعرفنى
قال ما تفرحوش بأيامكم

قال يا جحا عد غنمك قال واحدة نايمة و واحدة قايمة
قال يا جحا حماتك بتحبك قال علشان بحب بنتها

قال يا عم الجاز غلى قال : شئ نستغنى عنه
قال يا جحا عد موج البحر قال الجايات أكتر من الرايحات

قالت يا بت مالك صفرة كده قالت : مش حبلت قالت لها : يا بت مالك صفرة كده قالت : مش ولدت ، قالت لها : طول عمرك كده حتى و انت بت
قال يا غراب ارمى لى بلحة رد الغراب و قال : كل شئ نصيب قال : طيب نصيب ليه و كل شئ بين ايديك ؟

قالوا الجنازة حارة كل واحد بينعى همه
قالوا الجمل طلع النخلة أدى الجمل و أدى النخلة

قالوا للحرامى احلف قال : جالك الفرج القريب
قالوا
: حماتك تحبك قلت : دا كان زمان و بنتها عندها يا ما شيعت نسوان لما جرى
اللى جرى و المقدر كان صبحوا يقولوا عليه دا حرامى و بيسرق الكتان

قالوا للديك صيح قال : كل شئ فى أوانه مليح
قالوا للحرامى احلف قال : فرج الله جالك

قالوا للقرد هيسخطوك قال هيعملونى غزال
قالوا للدبه ارقصى

قالوا ياللى ابوك مات من الجوع قلت هو كان لقى و ما كلش
قالوا للمسمار مالك نازل تزن قال من كتر الدق على دماغى

قامت الحمارة و قعدت الشرارة
قالع راسه عادم ناسه

قبل ما أقولك لك قلت لى و من فنك غلبتنى
قبل ما أقول يا أهلى يكون الجيران غاتونى

قبل ما تناسب حاسب
قبل ما تعمل الشئ اقرأ عواقبه

القحبة تلهيك و ترزيك و تجيب اللى فيها فيك
القحبة بقحبيتها و الحرة إيش نصيبتها

قد الزر و تعب السر
القحبة ست جيرانها

قدر و لطف
قدح الفلاح قدح

القديم يحلى لو كان وحلة
قدم الخير لجارك تلقاه فى دارك

قرد موافق و لا غزال شارد
القرد فى عين امه غزال

القرش صياد
قرد يصافينى و لا غزال يغمنى

قرشك فى جيبك ساتر عيبك و خيره عليك
القرش ياكل القرش

قرعة بتتباها بشعر بنت أختها
قرص الشرك ما يطبش

قصقصى طيرك ليلوف بغيرك
قصر ديل يا أزعر

القط ما يحبش الا خناقه
القط ما يحبش إلا خناقه

قطة ملك و لا جمل شرك
القط ما يحبش خناقه

قطع الغلا و كياله
قطع الشرك و لو فى الغدا

قطع الندل و ان كان حى و لا حد يحسب حسابه
قطع الطشت الدهب اللى اطرش فيه دم

قعاد الخزانه ولا الجواز الندامة
قطمه و لا نحته

قعدتى أعتابى و لا قعدتى عند أحبابى
القعدة على الكوم و لا الحوجة للعدو يوم

قل من الزرع و اخدم و قل من المال و اكرم
القفة أم ودنين يشيلوها اتنين

القلب الأسود اللى يشيل و يحوش كتير عمره قصير
قل من الندر و اوفى

قلب عزول و لا سيف مسلول
قلب الام زى ورقة السيجارة

قلبى على ولدى انفطر و قلب ولدى على حجر
قلب بغير غرام جسم من الروح خالى

قلبه ميت
قلة العقل نصيبة

قلوب عليها دروب و قلوب من الهم تدوب
قلوب الرجال صناديق مقفولة

قليل البخت يعضه الكلب فى المولد
قليل البخت يلقى العضم فى الكرشة

القهوة سودة و تناها ابيض
قليل الطبع دخل على الجمع طفى الشمع يا باى

قول له فى وشه و لا تغشه
قولة حاه تلم الحمير

قومى من تربتك امحى كتبتك
قول يا خط

قومى لها جارية و اقعدى لها ست
القوالب نامت و الانصاص قامت

قيراط بخت و لا فدان شطارة
قيراط حظ ولا فدان شطارة

قيمة العبد من قيمة سيده
قيراط فى اللية و لا فدان فى الكروش

ك

كأننا بدر لا رحنا و لا جينا
كأنك يا أبو زيت ما عزيت

كانت فى جرة و طلعت لبره
كانت خالتى و خالتك و اتفرقت الخالات

كانوا بيحسبوا الجواز هدية لقوه رزية
كانوا بيحسبوا التخن هيبة لقوه خيبة

كبب يا زمان و هات و عيب على أن قلت لك يكفاك
كبر الكوم و لا شماتة الأعداء

الكبيرة حارة و الصغيرة بزرة
الكبير لما يدلع زى النعش المخلع

كتر البكا يعلم النواح
كتر الأسبة تقطع عروق المحبة

كتر الحزن يعلم البكا
كتر التكرار يعلم الحمار

كتر العند يورث الكفر
كتر السلام يقل المعرفة

كتر النخس يعلم الحمار الرفص
كتر الكلام يضيع محاسنه

الكتكوت الفصيح من البيضة يصيح
كتروا من اللمة لابد من الفراق

كتير النط قليل الصيد
كتكوتنا و لا حرير الناس

الكدب ما لوش رجلين
الكحكة فى ايد اليتيم عجبة

الكدب يعلم السرقة
كدب مساوى و لا صدق مجعرف

الكف السابق سابق
كركور و ريحتك سمك

كفاية من الدست مغرفة
كف لحم و لا كف فحم

كل آت قريب
كفاية نعيرها

كل بداية و لها نهاية
كل آكل الجمال و قوم قبل الرجال

كل البلد ما تعجبنى يا ترى هعجب مين
كل برغوت على قد دمه

كل ماعون ينضح ما فيه
كل بير ينزح ما فيه

كل جرن و له قصلة
كل تأخيرة و فيها خيرة

كل حاجة تخس إلا الكلام يزيد
كل جنس و له عقود

كل حتة بتحط زكاها
كل حاجة تقع من رجليها إلا ابن آدم يقع من لسانه

كل حماية بليفة أحسن من فرخة بتكتيفة
كل حمارة سابت ودوها بيت ابو نابت

كل الدود قبل ما ياكلك
كل دار و لها مدار و كل طاحونة و لها عيار

كل شله يشبه إله حتى الحمار و اللى آنيه
كل رفيق يصبح خير من أخ

كل شنب و له مقص
كل شاه متعلقة من عرقوبها

كل شئ قسمة و نصيب
كل شئ تم الا و فى النقصان

كل شئ و له قانون
كل شئ و له تمن

كل طير متعلق من عرقوبه
كل شئ يختشى من أوانه

كل عيش حبيبك تسره و كل عيش عدوك تضره
كل على درسك تنفع نفسك

كل عين قبالها صابع
كل عين تكرم لها ألف عين

كل فولة مسوسة و لها كيال
كل فاكهة موليه و لا تاكلش فاكهة جيدة

كل قناية مليانة باللى فيها
كل قرصة تحب لها رقصة

كل كشف الديل يهده حيل
كل كار يقف إلا الشحاتة

كل ما ما تقول يا حظ اتحسن يقول لك يجنن
كل لقمة تنادى أكالها

كل متر دق نخلة
كل ماعون ينضح ما فيه و كل هدمة تنادى لباسها

كل واحد عارف شمس داره تطلع منين
كل المستوى و ابنك اللى انت الرايح و هو الجاى

كل واحد عقله فى راسه يعرف خلاصه
كل واحد بينعى همه

كل واحد و ضميره
كل واحد على ركبته جملس

كل و بحلق عينيك أكلة و اتحسبت عليك
كل وقت و له أدان

كلام زى الرصاص فى جته زى النحاس
كلاب الصيد وشهم مخربش

الكلام كله كلام
كلام الشتا فاكهة

كلام العولة ما بيتسمعش
الكلام يجر بعضه

كلام الليل مدهون بزبدة يطلع عليه النهار يسيح
الكلام لك يا جارة

كلب داير و لا سبع نايم
كلام الانتا يدل على الخنتا

الكلب يجروه للصيد ما يصطاد يقطع الشبكة و يغلب الصياد
الكلب ما يعضش فى ودن أخوه

كلمة الحق تنزل تدق
كلمة باطل تجبر الخاطر

الكلمة الحلوة شجرة مظلة
الكلمة الحلوة تفتح الباب المقفول

كلمة يا ريت ما تعمر بيت
كلمة رطل و عشرة رطل

كلنا فى الهوا سوا
كلم الغجرية تلهيك و اللى فيها تجيبه فيك

كله سلف و دين حتى المشى على الرجلين
كلنا و لاد تسعة

كله عند العرب صابون
كله من الله

كلمة الفم سلف و دين حتى المشى على الرجلين
كله يروح فرقه يفوح

كنت عازب مستريح من الكساوى و المونة قام عقلى قال اتجوز جت وقعتى فى الشعنونة
كم حولى جه و راح و الكبش قاعد فى المراح

كنت فين يا لأ لما أنا قلت آه
كنت فى جره و خرجت لبره

الكى بالنار و لا حماتى فى الدار
كوم الطماع صغير

كلى يا نفس كل شئ شفتيه قبل ما يجيلك الشهد ما تدنيه
كلى يا نفس اللشن تلقيه بكره يجيلك الشهد لم تدوقيه

ل

لا اسرق و لا جوزى يدينى منين يجينى
لا اتجوزت و لا خلى البال و لا تنتنى قاعدة على حال

لا لأمى و لا أختى دا قلة بختى
لا أم قويق طاهرة و لا دعاها مستجاب

لا بتاكل بالدين و لا بتنام تحت الرجلين
لا ايد تسقف لوحدها و لا وحدانى يكيد رجال

لا بيت ملك و لا طاحونة شرك
لا بيت أروحه و لا بيت أجيه و لا بيت أشكى اللى نانبنى فيه

لا يحبك و لا يقدر على بعدك
لا بتى و لا مسيتى يا داهية الشوم جيتى

لا تزور العازية و لا اللى جوزها غايب
لا تاخد الولد بذنب أهله و لا تاخد الطير بذنب صاحبه

لا التعبان ينسى قطع ديله و لا الحاوى ينسى موت ابنه
لا تعامل المجنون و لا تخلى المجنون يعاملك

لا تعايرنى و لا أعايرك ياللى الغلب طايلنى و طايلك
لا تعاتب العايب و لا ترقع الدايب

لا تقرصينى يا نحلة و لا آكل من عسلك
لا تعيبوا يا قوم إلا على الصلا و الصوم

لا كل من ركب الخيل خيال و لا كل من سبح فى البحر عوام
لا فدان ملك و لا جاموسة شرك

لا له فى الطور و لا فى الطحين
لا أنا باكل واهرهر و لا بلبس و أجرجر

لبس الخنفسا تبقى ست النسا
لا يودى و لا يجيب

لجل الضرورة انخدع طوره
اللبن الرايب ما يرجعش حليب

لسه التقيل فى القعر
اللسان عدو القفا

الليل يجمع الويل
لقمة هنية تكفى مية

لولاك يا كرشى لوفرت قرشى
لولاكى يا جارتى لانفقعت مرارتى

لو كان فيه خير ما كان رماه الطير
لولا الزواق ما حد ينداق

لو صبر القاتل على المقتول لطلعت روحه
لو كان القاضى ينصف الشاكى ما كان الشاكى رجع باكى

لما قالوا ده ولد شد ضهره و انسند
لنا شبر ضيق هنتحط فيه

لا حبيبة و لا جارة قريبة
لا تماشى الأهبل و لا تماشى حديته

لا ضرة و لا سلفة دى داهية مختلفة
لا حطيطة حق و لا نغم طيب

لا فايدة و لا عايدة
لا عاقلة و لا أمها بتربيها منين الأدب يجيها

لا كلت و هريت و لا لبست و جريت
لا فراق إلا بالخناق

لا منه و لا كفاية شره
لا له ايدين تمسك و لا شفايف تلملم

لما تصفى النية اللقمة تكفى مية
لبن رايب لا أهل له و لا قرايب

لولاك يا لسانى ما انسكيت يا قفاى
لف سنة و لا تخطى قنا

لولا سواد العين ما كان بياضها
اللينة ما تنكسرش

لولا الخيط و الابرة لأصبحت الناس فى عبرة
ليالى الهجر تطلع شمسها بكرة و ليلة الوصل تطلع شمسها المغرب

لو كانت السلفة تحب السلفة كان الجمل طلع الغرفة
لو كانت أم قويق فيها خير ما كانت سابتها الصيادين

لما يشبع يعفر
لو جريت يا بن ادم جرى الوحوش غير نصيبك لم تحوش

م

ما اداهمش لمن ولدت دا اداهم لمن سعدت
ما أحلا ولادى على الحيط زى اللولى فى الخيط

ما بعدك يا روحى روح
ما بعد حرق الزرع جيره

مات فى جلده
مات ابوه اتنبهوه

ما تبان البضاعة إلا بعد الحبل و الرضاعة
ما تأمنى للدكير و لو كان صغير

ما تحسبوش بيضة الفرخة لقية و لا جوز الصبية خبية
ما تبكوش على اللى خابت زرعته ابكو على اللى خابت ذريته

ما تدعيش على الكافر وهو غافل
ما تخرج الحسنة إلا بعد كفو البيت

ما تفرحوش فى اللى انعزل الا اما تشوفوا اللى نزل
ما تشكرش فى أمك لإلا لما تشوف مرات أبوك

ما جابها إلا رجالها
ما تقعدش لوحدك الفكر ياخدك

ما جابهمش قلب و ارتاح
ما يجيبها إلا رجالها

ما حد خالى من الهم حتى قلوع السفينة حسك تقول للندل يا عم إذا كان حاكم مدينة
ما جمع إلا لما وفق

ما حدش أحسن من حد
ما حد خالى من الهم حت قلوع المراكب حسك تقول للندل ياعم إذا كان على السرج راكب

ما حدش يقوله تلت التلاته كام
ما حدش اشتكى و لا قال آه الا لما الوجع جه فيه

ما حدش ييجى يقول خد كل اللى جاى يقول هات
ما حدش ييجى من الغرب يسر القلب

ما حدش عارف عيشه من سوق الغزال
ما حدش تيجى لحمته رطلين إلا المنيل و اللى عليه الدين

ما دام ما انتش رفاعى بتمسك التعبان ليه ؟!
ما حدش يقول يا غوله عينك حمرا

ما ديق الزريبة إلا على الحمارة الغريبة
ما دام

حقاً تستحق التقدير على هذا المجهود الرائع والكبير
موضوع جميل جداً استمتعت به
ننتظر منك المزيد من الابداع
اتمنى لك السعاده والتوفيق..

» الموسوعة الأبجدية للأمثال المصرية (أ)
» الموسوعة الأبجدية للأمثال المصرية (أ)
» الموسوعة الشاملة الرائعة لأحكام التجويد
» الموسوعة الاكتر من رائعة والقيــمة لأحبائى الصِغــار
» [موسوعة] الموسوعة الاسلامية العلمية (islamic encyclopedia)