اجمع شتات جرحك وارحل عني بعيد

سألته وش بلا صوتك حزين؟
قال : ترى قريب بنفترق
قلت : أنا بحبك مخلص ووافي وأمين
قال : القدر حكمه سبق
قلت : والمحبه اللي فينا من سنين ؟
قال : للأسف راح تحترق !!
قلت : وبكاي ودموعي والأنين ؟
قال : أفراحي بعد بتنسرق
قلت : ولما ياخذني شوقي والحنين ؟
قال : بدموعك اغترق !!
قلت : لو ماعرفت أعلمك . .
أنت بحياتي الملك
أنت بروحي أحملك
أنت حروفي تجهلك

عندي سؤال وأبسألك ،،
لمين أشعاري بعدك تنكتب ؟
منهو بعدك بها الدنيا أحب ؟
منهو يستاهل دموعي والتعب ؟
~ جاوبني أقنعني لو كذب ~
أنا من بعدك حياة مابها غيري أنا
لاصديق ولارفيق عني يشيل العنا
وحيد ، متعب ، غريب ماعرف طعم الهنا
أنا بعدك رماد يلعب به هبوب الرياح
أنا من دونك ليالي تنتظر نور الصباح
أنا من دونك جسد مابه غير الجراح
قبلك ماعرف قلبي بها الدنيا أحد
معك عمري أخذ مع الفرحه وعد
بعدك ماراح أحب غيرك أبد
أبسألك..
ليه علقتني وحببتني فيك ؟
دام تعرف ان الوصل ماهو بيديك
دام تعرف ان القدر أقوى عليك
دام تعرف اني أحبك وأعشقك وأموت فيك
واني أزعل لازعلت ، وابكي من حزنك وأجيك
رغم اني ماجرحتك أعتذر لك وبالمحبه أرتجيك
همي بالدنيا رضاك
لأني أحتاجك وأبيك
رغم شوقي لحضنك ،، أحضنك وما أشتكيك
أخفي دموعي عنك وأضمك وأخاف عليك
حتى ماتعرف عذابي وحتى ماتشوفه عينيك
تصور كل هالمحبه منهو مثلها بيعطيك؟؟؟
ليه ماقلت خل حبك لي مثل حب كل البشر
لاهموم ، ولا دموع ، ولا حزن فيه وقهر
لا اشتياق ، ولا جنون ، ولا حنين ، ولا سفر
ينتهي بكره ويموت وما يبقى له أثر
حب مايعرف أنين ولا بكاء ولا تعب وسهر
كان رحمت عيوني وقلبي وروحي والعمر
كان ماعرفت طعم الضياع اللي طعمه حيل مر
كان ماعرفت ان الثواني في غيابك مثل الدهر
أنا عارف..
ان اللي اجبرك هو وقتك والظروف
وان عذرك ماتوفيه الحروف
وانك أضعف من مجاديف الصروف
لكن..
لوقلت من أول انتبه بحري عميق
وان عمرك ماتكون الا غريق
وان روحك راح تشتعل مني حريق
كان رحمت ضعف قلبي والمشاعر
كان قدرت تمنع دمع المحاجر
كان رحمتني من طعن الخناجر
والحين..
مابقى غير الفراق الي نقش جرحه بروحي
ومابقى الا اني أشتكي حزني وجروحي
أببعد عنك وأحاول قد ما أقدر اني أنسى
وأعترفلك ان فراقك علي أقسى
من طعون ومن جروح بروحي
لها مرسى
اسمعني..
اجمع شتات جرحك وارحل عني بعيد
ورجع قلبي لصدري واترك عمري وحيد
وانسى اني كنت مغرم فيك وبحبك عنيد
ولو لمست فيني قسوه خلت جروحك تزيد
اسمحني واعذرني يالي حبك كان عيــــــــــــــــــــــــــــــــــد ..

مشكور على الموضوع المميز
والكلمات تدل على ذوق واحساس صاحبها
الله يعطيك ألف عاافيه على هالموضوع
شاكره لك روووعة سطووورك النيره
في انتظااار جديدك
كل الشكر والتقدير
آحترآمآآتي ...

» اجمع حسنات في دقائق بل في ثواني
» الاحتفال بعيد الحب .
» هل البعيد عن العين بعيد عن القلب!!؟؟
» " تهنئة بعيد الاضحي المبارك عام 1433 هجري"
» شرعية الاحتفال بعيد المولد النبوي الشريف ..؟؟