الارز المعمر بالحمام ولا أحلي

الارز المعمر بالحمام ولا أحلي

الارز المعمر بالحمام
ولا أحلي
الارز المعمر بالحمام ولا أحلي 4993fffe92fe3e0463bcf4d38a955e99

الارز المعمر بالحمام ولا أحلي Fa30a287d51641f9b58c8e0be32011c1

نقدم لك طريقة عمل طاجن الأرز المعمر بالحمام.. وهي من الأكلات الشهية اللي اشتهر بيها ريف مصر، واللي ممكن تعمليها لما تحبي تجمعي الأسرة كلها على وجبة شهية ولذيذة..

طاجن الأرز المعمر بالحمام
المقادير:
4 حمام
2 كوب لبن
3 كوب أرز
2 كوب شوربة
3 ملعقة كبيرة قشدة
2 ملعقة كبيرة سمن
1 ثمرة بصل مفرومة
ملعقة صغيرة بهارات
ملح وفلفل

الطريقة:
1- اغسلي الحمام، واقسمي كل حمامة نصين، وبعدها حطيه في طاسة كبيرة وحمريه في السمن لحد لونها ما يبقى دهبي.
2-لما تطلعي الحمام، حطي مكانه البصل وشوحيه في السمن بحد ما يدبل ولونه يغمق، وبعد كده حطي الحمام تاني وقلبيهم سوا، وضيفي عليهم البهارات وملح وفلفل.

3- اغلسي الرز وانقعيه في المية لمدة ربع ساعة، وبعد كده صفيه كويس، وحطي عليه بهارات وملح وفلفل، وبعدها حطي عليه القشدة وقلبيها بملعقة كبيرة.

4- حطي طبقة من الأرز في الطاجن، وبعدها طبقة حمام، وغطيهم بطبقة تانية من الأرز،واسقيهم بالشوربة واللبن لحد ما تغطيهم خالص، إذا كان الطاجن اللي عندك صغير ممكن تحتاجي تعملي الكمية دي على طاجنين، وفي الحالة دي هتقسمي كمية الأرز وكمية الحمام بالنص على الأتنين، وبعد ما ترصي طاجن واحد او الأتنين دخليهم الفرن على درجة حرارة 190 لمدة نص ساعة، ولما يستوي ووشه يحمر قدميه ومعاه سلطة خضراء..
وبالهنا والشفا.

» برام الرز المعمر بالخضار واللحمه
» خلطات طبيعيه لتقشير البشره بدقيق الارز