ايـــــوة بمثـــل

شايفانى قـــادر ....

ناسى .. ومش فاكر

انا بس بحاول ....

انساكى ... عشان اعيش

مش عايز اسلم .. لانكسارى

بدارى جوه فى قلبى نارى

وبضحك ... عشان مبكيش

بشغل نفسى باى حاجة

ولسه شايفك اغلى حاجة

لسه برضه بتوحشينى

وانا بحلم متوحشنيش

ايوة بمثل ...

انى قادر بعدك اكمل

والحقيقة انى تايه ...

ولا قادر مرة اتحمل

ايوة بقول عايش مبسوط

بكدب وانا اصلا بموت

غصب عنى حنين جوايا

بيصرخ فيا من غير صوت

ايوة بقول عايش مرتاح

بكدب وانا كلى جراح

بعدك قلبى خلاص مش عايز

ولا حاسس طعم الافراح

لسه بشوفك فى كل واحدة بقابلها

ببتسم وانا جوه منى دموع شايلها

وكل ماحاول اهرب من هواكى

الاقينى كل حاجة لسه قلبى بيفتكرها

لسه بشوفك فى كل واحدة عرفتها

لسه انتى الحلم عندى والدنيا كلها

كلمة وداع .. وبجد اسف

يارتنى عمرى ماقولتها

العند والمكابره بتخلينا نمثل النسيان واللامبالاه
لكن الحب الحقيقى دايما اقوى من اى خلاف
تسلم يا حامل المسك كلمات رائعه واحساسك بيتوج دايما صفحاتك