تخاريفي كلمات خالد جمال الشاعر

اخوانا في التحرير..ها ايه الاخبار
هي الدنيا هاديه ولا والعه نار
والنبي حد يقولي لاني خلاص محتار
وصلتوا لحاجه ..ولا دا كان هزار

معلش سامحوني اصلي متشاءم خير
انا من هناك وانتو في التحرير
ومبقاش عندي ليكم تبرير
حتي الكلام مبقاش ليه تفسير

واديني قاعد هنا ايدي علي خدي
بصرخ بعلو صوت وخايف اكون لوحدي
وخايف ولادي يذيد خوفهم دا من بعدي
تفتكروا الايام السودا دي ممكن تعدي

اشك ..عشان الناس ماهيش فاهمه
هي دي ثوره ولا حته لحمه
الكل شغال وشادد كدا الهمه
يارب تكون دي سحابه ..وتصفا كدا الزمه

» شعر بسببك يا ريس ..كلمات خالد جمال الشاعر
» تايه انا .....كلمات خالد جمال الشاعر
» لا تنسا اني انثي..كلمات خالد جمال
» بقولك يا مصر...كلمات الشاعر خالد جمال
» احبك انا رغما عني كلمات خالد جمال الشاعر