من رباعيات خالد جمال

الدنيا ليها الف شكل وصوت
هتدخلها.......سعيد مبسوط
وهتنضرب منها... بالف سوط
وهتخرج وانت حزين بتموت

قلبي حزين موت
علي اللي جي وراح يفوت
حتي ليل الهوي
كله جراح...ما تموت
وان طلع عليه نهار
يصبح في احزانه مربوط

ناس عايشه بمليون وش
وتانيه للجراح متقولش
مين عايش ومين ميعش
واهو كله في التراب بيخش


هي كده الدنيا...... فيها الشمال يمين
ناس فيها عايشه وناس عايشه ميتين
حظ التعيس...... يبقي مابين الاتنين
يعني يادوبك عايش شبه البني ادمين


موجه بين الصخور دايره بتتلطم
لا ادره ترسي علي شط..ولا عارفه تتحطم
والرك علي الموج اللي جي وراها
لا حتي عارف يطولها...واهو كله بيبرطم


ليه الجراح لجل الشفا تنكوي....... بالنار
زي الفراق في الحلق كله............ مرار
دنيا وعايشين فيها وكلها........... اسرار
ملاقينا اللي يداويها....وبقيت غريب محتار


ليه الاسي والحزن دوّب قلوب وقلوب
حتيِِِ في ليل الصفا يأسي علي المحبوب
انسي الاسي اذاي دنا بس لسه يادوب
راضي باللي جري..وموافق علي المكتوب


سألوني مين في القلب من جوه
ساكن...... وحاطط ايده بالقوه
رديت وقولت ممكن تلاقي كتير
المهم واحد بس اللي في القلب هو


قطر الحياه ماشي عالقضيب مظبوط
وفي كل محطه بيزمرلنا....... توووت
واحنا راكبين..........كلنا كده جواه
وكل واحد في محطته ..........بيموت


عشق الهوي في القلب ده مراحل
في عشق يبقي وعشق تاني راحل
والرك بقي علي اللي يبقي.. عاقل
ويخلي حبه في القلب....... فاضل

الحب عَلِم في قلبي..... ...وراح
مبقاش بيجي من وراه... افراح
مختش غير الاّم........ وجراح
كنت فاكر.......معاه ......هرتاح